Raud mandag

Eg har hengt meg på ei utfordring, der dei ulike dagane har fått kvar sine farge. Mandag er det raudt som skal i ilden.

Det er ikkje så lett å finne noko raudt i heimen vår no når jula er pakka vekk, så her måtte eg verkeleg legge hovudet i bløyt og tenke.

Her er resultatet:

Dette er dukkevogna til Benedicte. Det er ei raud og fin trevogn som ho fekk i julegåve av mammen og pappen sin.
Dette er eit bilete Joakim har mala på ei kvit flis. Fargane flyt så fint saman og det heng der som ein flott fargeklatt på kjøkkenveggen vår.
Denne fine og raude skåla har eg fått i julegåve med Kristin. Den er kjempefin og passar perfekt til popcorn eller potetgull... (namn, nam)

No er det berre å vente i spenning på morgondagens farge.

Ha en flott kveld alle saman.

Hurra for deg....

I dag på sjølvaste Valentinesday, har Arilden min bursdag. Ønska dej hjerteleg til lukke med dagen kjærasten min. Håpe du fe en fine dag. Elska dej vennen min!

Når sommerdagen ligg utover landet

Og du og æ har funne oss ei strand

Og fire kalde pils ligg nerri vanne

Og vi e brun og fin og hand i hand

Når vi har prata om ei bok vi lika

Og alt e bra og ikke tel å tru

Ingen e så go som du da

Ingen e så go som du

Og når høsten finns og hverdagslive venta

Og fuglan tar te vett å flyg mot sør

Og vi får slit med regninga og renta

Og meininga forsvinn i d vi gjør

Når vi må over mang en liten avgrunn

Og ofte på ei falleferdig bru

Ingen e så go som du da

Ingen e så go som du

Men av og tel når tegnan blir for tydli

Og dem som sitt me makta gjør mæ skræmt

Når de fine ordan demmes blir motbydli

Og tankan bak e jævli dårlig gjæmt

Da har æ ei som vet at folk vil vokne

Og at veien ifra høyre snart må snu

Ingen e så go som du da

Ingen e så go som du

Og når æ kryp te køys å frys på beina

Og du har lagt dæ før mæ og e varm

Da vet du æ e litn og aleina

Og låne mæ litt dyne og ei arm

Og dagen den e vikti og den kræv oss

Men natta den e din og min og nu

Ingen e så go som du da

Ingen e så go som du

Skal ikkje skryte på meg at det er eg som har skrive desse vakre orda, for dei fleste kjenner vel att kjærleiksvisa til Halvdan Sivertsen. Den er uansett forfattar og komponist ei nydeleg vise.

Tidsfordriv

Sidan eg er sjukmeldt, brukar eg dagane til å slappe av og strikke litt. Forma er ikkje heilt på topp enda så då er det godt å kunne kveile seg opp i sofaen med eit strikk mellom hendene.

Eg har strikka meg to nye kjøkkenklutar som berre er sååå gode å bruke. Eg er så lei av desse billegklutane som du kjøper på "rull" og som loar og blir utslitne med ein gong, difor tok eg saka i eigne hender. Eg har strikka meg to nye og gode klutar som berre ventar på å bli brukte.

Klutane er enkle og raske å strikke. Eg legg opp ca 50 maskar med dobbel bomullstråd og strikkar ein omgang med rette maskar og ein omgang med rette og vrange maskar annankvar, så ein omgang med rette osv. Dette gjer eg til ønska størrelse.

No er eg i full gang med eit nytt par med tjukkelestar til Silje. Eg brukar ein god og tjukk tråd og tjukke pinnar så her går det unna. Har fått heilt sansen for bambuspinnar når eg strikkar, det er berre fantaststisk godt å strikke med.
Tråden eg brukar er farga med mange ulike fargar, så når eg strikkar blir det eit slags stripemønster. så her blir ingen lestar like, men det er berre artig det.

Ha ei strålande helg alle saman!

Vårstemning

I dag har eg tilbrakt stort sett heile dagen på sofaen. Tok ein liten operasjon i går og må difor kvile litt i nokre dagar. Eg måtte likevel ein tur ned i Vik for å kjøpe meg litt tråd slik at eg i det minste får strikka litt når eg skal halde meg i ro. Eg var ein snartur innom Floriss, og der var det så mykje fine blomar at eg ikkje greide å lat vere å kjøpe. Valget fall på ein vakker ildtopp med duse rosa fargar på blomane.

Det er så deilig med litt vårfargar no i når dagane byrjar å bli lenger og lysare. Eg kan ikkje akkurat skryte på meg grøne fingrar, men plantene mine varer så lenge dei varer. Så får eg heller kjøpe nye når det ikkje er liv i dei lenger. Sjølv om pappa mang ein gong har sagt sat det er billegare å vatne enn å kjøpe nytt...

Håper at eg klarer å helde liv i denne lenge, sjå berre kor nydeleg den er. No står den og sprer vårglede på kjøkkenbordet.

Må ta med nokren bilete av Joakim som gjer lekse også. Han er så flink lisje guten min. Tek alt så lett, tenk at han kan lese og skrive allereie. Tida går så altfor fort.

No skal eg snart på klubb med Joanna, gleder meg. Skal bli koseleg å treffe alle saman igjen.

Ha ein strålande kveld alle saman.

Ein fantastisk dag

Vi vakna til sol frå ein nesten skyfri himmel i dag også. Vi er jammen heldige som er priviligert med så mykje fint vêr desse elles så dystre og tunge vintermånadane.



Sjølv om det var morsdag, og eg hadde fått innvilga å få sove lenge, måtte vi benytte oss av det flotte vêret.


Vi pakka sekken med mykje godt og ete (god niste, sjokolade og kjeks) og kakao, pakka i bilen og tok laust.


Vi har ikkje vore så flinke med dette å gå på bortoverski dei siste åra, det er liksom slalom som er blitt vår greie, men sidan vi skulle ha med oss Benedicte, var det bortoverskia som måtte børstast støv av i dag. Ho kosa seg og hadde det godt og varmt nede i pulken som pappa drog.



Då vi er best på å orientere oss i løypene på Bondalseidet ovanfrå og ned og ikkje omvendt, tok vi sjølvsagt feil løypevalg og enda opp med bratte bakkar og ein litt småsur Joakim. Han poengterte mange gongar at det var bortoverski vi skulle på og ikkje oppoverski... Med litt lokking og muskelkraft fekk vi oss ein flott tur oppover i løypene.

Eit stykke oppover dei brattaste bakkane, måtte Arild drage både Joakim og Benedicte på pulken.


Her kosar vi oss med nista vår.

Flott utsikt utover Ørstafjorden

Vi hadde egentlig tenkt oss på Åmskaret, men det for bli neste gong når vi får velge rett løype frå starten av.

ha ein fortsatt strålande morsdag alle flotte bloggmammer

stjernaklar vinterkveld

I kveld var vi ein tur på Kometland i Volda. Det er eit amatørobservatorium der ein kan sjå på og studere himmelen gjennom store teleskop og på flotte plansjar. Det er Knut Aarseth frå Volda som har bygd opp dette flotte observatoriet og som driv det.


Sidan det har vore så flotte og stjerneklare kveldar no i januar, bestemte vi oss for å ta turen til Kometland. Joakim er ein ivreg astronautspire og kan og veit utruleg mykje om stjernene og planetane i vårt solsystem. Det er mang ein gong eg har blitt satt fast av spørsmåla som han kjem med. Det er heilt imponerande alt han kan og veit.

Joakim vart ellevill då vi i går kveld fortalde at vi skulle ta han med oss på Kometland. Før han sto opp i dag byrja masinga om kva tid det var kveld og mørkt nok til å køyre bort. Augene hans vart store då han kika inn i det store teleskopet og månen kom så nær at ein følte ein nesten kunne røre han ed berre hendene.


Det vi såg gjennom teleskopet var heilt fantastisk. At stjernehimmelen er vakker, er vi vel alle enige i, men at det skulle være så fantastisk flott, hadde eg aldri drøymt om. Vi såg stjerner som låg langt unna vårt solsystem - og dei var så klare og flotte gjennom teleskopet.



Her er Orions belte, vi kunne sjå det endå betre gjennom teleskopet enn det vi ser på bildet her. Og rundt dei store stjernene, var det tusenvis av mindre stjerner som vi kun kan sjå gjennom eit teleskop.

Vi fekk endåtil med oss eit stjerneskudd - det for fort over himmelen. Eg var sjølvsagt snar med å ønskje meg noko, så gjenstår det å sjå om ønsket går i oppfylling.

Her er Joakim saman med den nye helten sin, Komet-Knut (som vi kallar han her). Grunnen til at han har fått det namnet, er at han var den første som oppdaga ein komet. Han fekk kometen kalla opp etter seg og vart kjend i ei rekke land for oppdaginga si. På veggane i observatoriet, heng utklipp frå alle dei største avisene og tidsskrifta i heile verden der dei har skrive om Knut og den nye kometen som han oppdaga.
Her er den kjende kometen til Knut.

Dette er ein stad vi vil tilbake til. Her var det spennande både for små og store.

Ha ein flott kveld under stjernene

(bileta av stjernene og månen har eg lånt frå heimesida til Kometland)

frå ein minnerik dag

Har fått ei utfordring med Monica frå bloggen http://acinomevats.blogspot.com/ . Eg skal gå til den 6. mappa mi og opne det 6. bildet.


Her er bildet som var nr. seks i mappe seks på maskina mi.

Bildet er frå barnedåpen til Benedicte. Storesøster Silje var gudmor og bar henne til dåpen. Det var ein rørande sermoni og eg måtte svelgje hardt nokre gongar for å halde tårene tilbake. Dåpskjolen er det mamma som har kjøpt. Joakim var den første som vart døypt i den, så var det Martin sin tur, før Benedicte fekk æra av å bruke den.

Dagen feira vi heime i Grepalia saman med den nærmnaste familie og fadrar. Det var ein kjekk og minnerik dag.

Denne utfordringa vel eg å gi vidare til desse bloggarane:

http://annalisasblogg.blogspot.com/

http://tovehd.blogspot.com/

http://astridbjordal.blogspot.com/

http://skjerk.blogspot.com/

http://siljenelly.blogspot.com/

http://fagerborg.blogspot.com/

Nå skinner sola i vinduskarmen...

og katta maler som aldri før

den ligger langfalt og kjenner varmen

og er ei katte med godt humør.

Skulle ynskje at eg også kunne nyte denne vakre og deilige sola, som så vidt kliv fjella framfor oss. Det er så godt å kjenne varmen frå den. Vi har som sagt tidlegare vore plaga med litt sjukdom her i huset, men no trur eg toppen er nådd og at ting byrjar å snu. Benedicte har hatt heile runda, med augebetennelse, øyrebetennelse og no har ho fått halsbetennelse. Men vi ser positivt på det og gler oss til ho blir frisk og rask igjen. Vi gler oss til vi kan gå ut ein tur så ho får spasere på vegen og prøve dei nye, fine vinterskona sine. Det er så skjønt med desse små vennane som stabbar iveg på ustøe bein.

Sidan vi sit inne og sola skin så deilig ute, kan eg ikkje lat vere å legge merke til at utsikta vår er blitt så dårleg i det siste. Eg synest at det er så vanskeleg å sjå ut, sjølv om eg har på brillene er det liksom noko som ikkje er som det skal med synet mitt. Eg tek av meg brillene og pussar dei. Dei var verkelg skitne etter Benedicte sine små hender som hadde prøvt å plassere dei på si eiga lissje nase. Det vart vel litt betre, men det var fortsatt dårleg med utsikt. Då koplar eg.... Vindauga er skitne, og då meinar eg verkeleg skitne. Eg kan sikkert skimte Rystefeltet og Ose der borte på andre sida dersom eg legg godvilja til, men det som stel utsikta er utvilsomt dei groskitne vindauga mine. Eg som vaska dei til jul...

Her er det berre å brette opp armane og la sjukdom vere sjukdom, desse vindauga må berre vaskast. Det er ikkje vanskeleg å finne den største syndaren. Han sit vell fint på stolen sin i klasse 1B på Vikemarka skule og anar fred og ingen fare, men handavtrykka og kyssemunnane er ikkje til å ta feil av... her kan han ikkje lyge frå seg noko som helst. Sjølvsagt er det andre som har vore borti og skitna til også. Det demrar så vidt langt bak i bakhovudet til ho mor sjølv at i ein svak augenblikk vakna barnet i meg til liv att, eg kunne ikkje dy meg - eg måtte lage grimasjer gjennom glaset til Silje og ei veninne som sat inne. Ja ja, det var moro den stunda, men no lyt eg vell vaske etter desse sprella som vi har føre oss av og til her i heimen.

Ha ein fortsatt fin dag

Heimedag med Benedicte

Så var det på an igjen med ei ny runde med sjukdom hos Benedicte. Det er vel ofte slik når dei byrjar i barnehage for første gong, at dei blir mykje sjuke.

Forrige veke var det augebetennelse og feber, no har augebetennelsen vorte bra og no er det øyrene som står for tur. Kraftig øyrebetennelse i begge øyrene sa doktoren i går. Stakars lisje vennen min. Sidan Arild var heime med prinsessa forrige veke, er det eg som må til pers no.

Etter at vi hadde køyrt Joakim og Silje på skulen, laga vi like godt ei bolledeig. Vi må finne på noko kjekt no når vi er heime saman.

Eg skal ikkje skryte på meg at eg er ein kløppar i gjærdeiger og at eg elska å bake, for det er eg nemleg ikkje. Bollane er laga av to pakkar med bollemix, men av erfaring veit eg at resultatet brukar å bli bra. (så kvifor gamble på eit resultat som blir vellukka?)
Vi (rettare sagt eg, sidan Benedicte stort sett sat og såg på) laga både vanlege bolla, kanelbollar og solskinsbollar.

Her er resultatet. Vi skal nok kose oss bra, Benedicte og eg når ho vaknar. No ligg ho og søv trygt og godt i senga si saman med totten og kosekluten sin.

Fire x fem

Har fått ei utfordring frå Tove i bloggen http://tovehd.blogspot.com/. Den utfordringa tek eg sjølvsagt på strak arm.

4 favoritt TV-program:
Åndenes makt (er veldig fascinert av det overnaturlege)
Et lite stykke Thailand (ein hærleg og ekte serie om det å få seg ei thaidame)
Criminal Minds (må ha litt spenning i kvardagen)
Div. oppussingsseriar på ulike kanalar (for å få litt inspirasjon og gode idèar)

4 ting eg gjorde i går:
Var ei lita slyngerunde ned i Vik saman med Arild, Joakim og Benedicte.
Begynte å strikke ny genser til Benedicte.
Var på besøk med mamma og pappa og hjalp til med å tøme kakeboksene etter jul.
Laga deilig heimelaga pizza til kvelds.

4 ting eg ser fram til:
At hagen vår skal bli ferdig (no er her berre store moldhaugar med masse ugras på)
Få laga til kjellaren skikkeleg, med nye rom til dei to eldste borna mine
Påskeferien, for då reiser vi forhåpentlelgvis på hytta
Å verte gjeldsfri... (om leeeeenge)

4 favoritt restaurantar:
Hmmm... trur ikkje her her så mange restaurantar på mange mils omkrets eg... Kina-restauranten har god mat, så den må vel nemnast her, men elles så veit ikkje eg.

4 ting på ønskelista mi:
At borna mine får ein god og trygg oppvekst
Ny kjellartrapp
Flat mage ;) (hi hi hi, det er visst uoppnåeleg)
at alle mine får ha ei god helse fri for sjukdom og elendigheit




Denne utfordringa vel eg å gi vidare til alle som er innom bloggen min no i kveld.

Ha en flott søndagskveld alle saman

Bursdagsbilder av ei lita prinsesse

Eg lovte i eit tidlegare innlegg at eg skulle legge ut litt bilder frå bursdagsfeiringa til Benedicte. Her kjem bileta.
Dagen starta med pakkeåpning. Av oss, fekk ho eit lite kjøkken. Ho er så glad i å kokkelere og leike med dokker, så ho blir sikkert ei god lita mamma når den tid kjem, om maaaange år. Det tok ei stund å få av papiret, for ikkje å snakke om tida det tok å montere det flatpakka kjøkkenet. Men resultatet vart ho veldig fornøgd med. No kosar ho seg og kokkelerar i veg.

Etter frukost, var det tid for prøvesmaking av kake. Sjokoladekaka vart godkjent av bursdagsbarnet. Og Kakebakar Silje, kunne puste letta ut.

Mormor hadde laga ei eiga blautkake til Benedicte, det måtte det bli rot av, men det tåler vi på ein slik dag.
Dagen slutta ikkje heilt slik som vi skulle ønske. Stakars bursdagsbarnet fekk augebetennelse og nesten 40 i feber. Litt av ei avslutning for lisje vennen våra.

Spysjuka på julaftan og feber på bursdagen, skal tru kva sykje som dukkar opp på 17. mai...

Ha ein fin laurdagskveld bloggvener!

ny blogg

Har funne ut at eg har samla på så mykje styr og ting og tang opp gjennom tidene, at det er på tide å bli kvitt noko av det. Eg laga meg difor ein ny blogg der eg legg ut diverse saker og ting for salg. Bloggen finn du her: http://bruktbudami.blogspot.com/
Har lagt ut litt no i kveld, men har forskjellig anna som kjem til etter kvart. Kan for eksempel friste med eit masjasjefotbad, følg med.