mandag 15. oktober 2012

Ny blogg!

har laga meg ein ny blogg på blogg.no.


Sjekk den ut på denne adressa http://livethosmeg.blogg.no/

Håper dei som har fulgt meg trufast på denne bloggen, blir med vidare til den nye :)

mandag 27. februar 2012

Spørsmålsrunde

Har sett på diverse fjortisbloggar, at dei har spørsmålsrunder. Der kan lesarane kome med spørsmål så svarar bloggaren etter beste evne og legg ved eventuelle bilder av det som blir ønska.



Tenkte at eg skulle prøve ei slik spørsmålsrunde på bloggen min. Så dersom det er noko du lurer på ang bloggen min og kvardagslivet mitt, så er det berre å legge igjen ein kommentar i kommentarfeltet under her. Eg svarar så godt det let seg gjere på det som blir spurt om, så no er det berre å fyre løs og spørre om det du måtte lure på.

Eg tek også gladeleg imot goe tips til kva eg kan blogge om.

Me bloggast

søndag 26. februar 2012

Huskeboka mi

Før jul, kom eg tilfeldigvis over ei side på det store internettet, der ein kunne bestille seg personlige alamnakkar.


På denne sida kan ein designe sin heilt spesielle almanakk. Du bestemmer sjølv fargar og design både på utsida og innsida. Du kan velge mellom mange ulike forsidedesign eller laste opp ditt heilt personlege bilete. Eg valgde ein av dei ferdige designa på utsida, og tilpassa innmaten til mitt behov. Her kan ein velge mellom ståande eller liggande daginndeling, ein kan velge om ein vil ha linjer, ruter eller blanke ark å skrive på i tillegg til mange andre kjekke og nyttinge og dels unyttinge ting.


Trur ikkje at eg hadde klart å halde orden på alt som skal skje i ei storfamilie, dersom eg ikkje hadde hatt denne boka å notere det ned i. Det er mykje som må planleggast og organiserast i ein heim med to skiftarbeidande foreldre og tre born. Logistikken er ikkje alltid like lett å få til, men vi klarer det på eit vis. Takka vere ei kjekke farmor og ei kjekk og tolmodig storesøster som trår til når kabalen ikkje går heilt opp.


Dersom du vil bestille deg ein slik liten sak kan du gå inn på http://www.personligalmanakk.com/NO/
og bestille deg ein, du treng ikkje vente til det blir eit nytt år, du bestemmer sjølv kva månad du vil skal vere startmånaden i almanakken din. Lykke til, eg er ivertfall veldig fornøgd med min.

Ha ein fin søndag alle saman!

lørdag 25. februar 2012

Et dukkehjem

Vi har ei søt lita dukkemamma i huset. Dukkene som kjem under Benedicte si beskyttande hand, lid inga naud. Dei blir kledde på etter alle kunsters reglar og passa godt på - heilt til noko anna fangar merksemda hennar, men i dag er det ein slik fin leike-med-dukker-dag, Eg har ofra stova, den har no blitt omgjort til eit einaste stort kaos av dukkekle og ei salig blanding med godt påkledde, halvnakne og nakne små dukker.


Det som er ekstra kjekt med alle desse dukkene, er at den flottaste av dei alle, har vore mi si, den har vore med på mang ei ferd og opplevd mykje opp gjennom åra, både saman med meg og Silje og no sist med Benedicte. Morfaren min døypte dukka til Ragna i si tid, og det heiter den sjølvsagt enda. Ragna har ei tvillingsøster også, den bur ein annan stad her i Ørsta, den heiter Tomesina.


Her er godaste Ragna-dukka mi. Benedicte har akkurat sunge godt natt song for henne, ikkje rart ho søv so trygt og godt.


Eit lite utvalg av dei heldige dukkene som får Benedicte si gode omsorg. Heldige er dei.


Antrekket til Benedicte er sjølvvalgt i dag vil eg tru. Eg har vore på jobb og då eg kom heim var ho lekkert antrukket i rosa bukse og knallraud fotalltrøye (fotballtrøya mistenker eg forresten pappaen for å ha leita fram), men plutseleg kom ho på kjolane sine igjen... då er det berre å vrenge av seg og få på seg finstasen.


Klart ei søt dukkemamma må ha på seg kjole og finsko.



Flotte jålesko, til ei lita jåledame som har reist på ferie med dukkene sine.




Sommarkjole, jålesko, smykker og tiara på plass. Trillekofferten står klar til å bli pakka full av dielige og lette sommarkle...

Ha ei fin helg alle sammen :)

fredag 24. februar 2012

Bollefest

Barnehagane hadde planleggingsdag i går, så då tok eg og minste snuppa å laga bollar. Mange bollar. Og skulebollar.


Eg er egentlig litt fan av sånne enkle ting eg, så alt som har med matlaging som kan gjerast enkelt, ja det gjer eg enkelt. Dessutan er desse bollane kjempegode. Du skal kun blande bollemiksen, gjær og vatn, heve i ca 1/2 time - og vips så er bolledeiga ferdig til å bakast ut. (det er ikkje så mykje meir styr å lage skikkelig heimelaga bollar heller, men eg gjer det på denne måten).


Miksaren min, er eg veldig glad i. Det er ikkje noko fancy greier, men ein god, gammal og staut Kenwood major. Skulle sjølvsagt hatt ein av desse flotte kjøkkenmaskinene som nesten er eit lite møbel, men denne gjer så absolutt jobben sin og resultatet blir bra, sjølv med meg som bakar


Medan deiga hevar seg, sat eg og såg på husets sjefstrospe som er i full gang med å teste ut årets sommarkolleksjon av kjolar. Har bestilt litt sommarkle til den o store turen vår til Dubai, og dei må prøvast om og om igjen helst mange gongar for dag.


Deiga ferdig heva og kjolane ferdig prøvd - kanskje... (blir nok eit eige blogginlegg med den store kjoleparaden). No må i allefall kjolane av og forkleet på, for no skal det bakast.


Kjøkkensjefen klar til baking.


I dag var det bolletroll som stod på programmet. Ganske så skummelt spør du meg, men Benedicte lova å passe godt på meg. Søte, gode Benedicte. Sjå berre kor skummelt det vart.


Benedicte har fått på seg kjole igjen, og er klar for bolletrolleting. Og bollane vart som vanleg - utruleg gode.



Skulebolle med hjertefyll :)

Ha ei fin helg kjære blogglesarar!

Eg blir veldig glad for kommentarar på bloggen min, ser at det er mange innom, hadde vore kjekt med eit lite livsteikn frå dokke

torsdag 23. februar 2012

Dette ser vi fram til



Om ikkje så altfor lenge, sit vi på flyet til Dubai. Åååå, kor vi gler oss. Skal bli deilig med sol og varme.


Her er hotellet vi skal bu på. Vi skal jammen kose oss :)


Utsikta frå Burj Khalifa - nesten som å fylle fly...

Sjølv om eg ikkje er det minste glad i å fylle fly, så er det ikkje til å unngå at eg ser fram til denne turen. Det skal bli så godt å kome seg litt bort frå kvardagen, stresse heilt ned og berre nyte dagane saman med familia mi.


Atlantis - dit skal vi på badeland, Eirik, Joakim og Benedicte klarer nesten ikkje vente til vi skal dit.


Vi må sjølvsagt prøve skina når vi er på vinter-/påskeferie...


Eg har sjølvsagt surfa ein del på nettet og sett på kva vi vil sjå og oppleve, men der er så mykje, vi rekk ikkje over halvparten ein gong.



Det vi veit så langt, er at vi i allefall skal besøke badelandet på Atlantis, ørkensafari, ski Dubai, Burj Khalifa og det fantastiske fonteneshowet. Litt shopping på dei mange og store kjøpesentera må vi også få plass til.


Kanskje rekk vi ein aldri så liten tur på besøk til dette hotellet også, det hadde vore supert.

Ditte ser vi fram til alle i heimen!

onsdag 22. februar 2012

Ei utfordring til meg sjølv

Eg har likt handarbeid så lenge eg kan hugse, strikking, brodering og no dei siste åra litt hekling, sjølv om heklinga eg har føre meg, er av enklaste sort, så har eg faktisk hekla både eit stort teppe og eit vognteppe.


Heilt sidan eg var lita jente, har eg alltid likt å brodere, har ikkje tal på kor mange dukar, bilder og adventskalendera eg har brodert, så no var eg klar for ei ny utfordring - brodere bunad!


Eg har lenge hatt lyst til å prøve meg på bunadsbrodering, men har ikkje heilt hatt trua på at eg skulle få det til, men no heiv eg meg ut i det, så får det briste eller bære - eg har i alle fall begynt, så får vi sjå kva tid den blir ferdig.

Det er Benedicte som blir den heldige eigaren. Vi har ein barnebunad frå sunnmøre som har vore min sin, men den er blitt ganske slitt, sidan det er mange som har brukt den opp gjennom åra. Den har blitt lagt opp og ned og ut og inn x antal gongar, så tidens tann har satt sitt preg på den.

Bunaden som eg broderar, er barnebunaden frå Ørsta. Trur neppe den blir ferdig til 17. mai - då må det i alle fall skje eit under, men til neste år skal den vere ferdig. Gleder meg til å sjå det ferdige resultatet, det er så fint med bunad på 17. mai og andre store festdagar.





Ha en fin dag alle saman!

tirsdag 21. februar 2012

Då prøvar eg meg på eit aldri så lite comeback

Det har blitt lite med blogging på meg siste året, det er ikkje det at blogglysta er borte, men tiltaket har vore fråverande. Det har skjedd mykje det siste året, så har tenkt å lage eit lite tilbakeblikk på 2011 litt seinare - men det skal kome, eg lovar.

Må berre dele eit av dei tusen innfalla husets sjølvutnemnte prinsesse har gjort. I går kveld då eg kom heim frå jobb, såg eg at den fine blomstrande planta mi (med for meg ukjent namn) ikkje hadde ein einaste blomst igjen, men den fine engelen min, den sto så fint og blomstra. Kanskje ikkje akkurat slik eg hadde tenkt at det skulle vere, men lag gå.

Engelen har til og med blitt garasje for ein liten og raud brannbil, ja, ja, kreativiteten er iallefall ikkje noko å utsette på...

Engelen likar visst det nye kjoledekoreringa si, ser nesten ut som den syng av glede - det gjer ikkje eg...

Dette vart berre eit lite og kjapt innlegg, men eg er tilbake, så følg med framover for nye oppdateringar, har plutseleg så mykje eg vil blogge om, så no skal eg sette meg ned og lage ei liste over alle ideane mine.

Me sjåast om ikkje så altfor lenge

torsdag 10. mars 2011

Interiørhjelp frå husbonden

Eg har stort sett fått regjert på interiørfronten her i huset. Husbonden har igrunnen latt meg frå frie tøylar. Jauda, innimellom har han himla ganske so høgt av innfalla mine, men eg har alltid fått det siste ordet - heilt til no...


Etter jobb i dag, tok vi oss ein tur til Ulsteinvik, vi var på leit etter ein BMX-sykkel til bursdagsguten vår.   Det er ikkje enkelt å finne sykkel på denne tida av året, butikkane har så vidt begynt å få inn vårtinga sine, så sykkel fann vi ikkje i Ulsteinvik heller...

På leit etter ein sykkel dumpa vi visst innom Biltema...   Tilfeldig? neppe... Har store problem med å forstå korleis ein kan tråle opp og ned langs endelause reolar og sjå på skruar, fugemasse og andre usaklege ting, men det er visst ikkje alt ein skal forstå seg på heller. Det er jo mykje kjekkare å sjå på fine koppar og fat, dukar og stearinlys...




På denne "fantastiske" mannabutikken kom han over denne lommelykta som berre måtte bli med heim, har alltid hatt bruk for ei slik ei, dei er så kjekke... (sitat mannen)...

Eg tenkte vel at den kom til å bli plassert i garasja eller i kjellaren, men kor feil kan ein egentlig ta??? Då eg kom heim etter ei runde med bursdagsinvitasjonar saman med bursdagsbarnet, var den møysommelig plassert på kjøleskapet med sugekoppar!!! Ei lommelykt på lading fint hengt opp på kjøleskapet, godt kamuflert av lysestakar og påskeliljer. Er det mulig!

"Skal ikkje ej få lade lommelykta der ej vil i mitt eige hus en gong?" Hjelp kvar skal dette ende!




Då eg ikkje trudde det kunne bli verre, jauda, då vart det verre! Kjære vene, fugeskum i vinduskarmen på stua?




For den spesielt interesserte, så har eg snudd flaska, eller kva det no i alle dagar heiter, slik at etiketten kjem til syne.


Ha ein fin kveld!

onsdag 16. februar 2011

Ha en flott dag

Ville berre innom og ønske alle en strålande dag. Her skin sola frå ein fantastsik flott vinterhimmel og minusgradene kjempar mot sola.

Eg skal straks på jobb, seinskift i dag, men tida går fort når ein har det kjekt - så akkkurat det, ser eg ikkje mørkt på. Det verste med seinskifta er at eg ikkje får sjå smågolla mine. Benedicte søv når eg er ferdig, Joakim skal straks i seng og Eirik er ute "å reke" (som vi seier det her).



På kjøkkenbordet har eg nokre nydelege vårblomar, håper berre eg klarer å halde liv i dei ei stund. Det blir så mykje koselegare med vakre blomster på bordet synest eg.



Denne søte boksa kjøpte eg då eg var på tur til Oslo. Det er ei fin Tilda-boks som eg har diverse ting og tang oppi (eller rot, som husbonden kallar det...)




Nei, eg får vell hoppe i jobbkleda og kome meg på jobb.

Ha ein strålande dag alle saman!

See you

søndag 13. februar 2011

Litt meir gang

Sola skin frå ein knallblå himmel, men det er litt kaldt ute synest eg. Gutta boys er på Bondalseidet og renn slalom/snowboard og eg og lissjesnuppa kosar oss heime med litt kakebaking og Pippi på DVD. Deilig med lange og late søndagar.

Medan kaka står i ovnen, rekk eg å blogge litt. Tenkte å vise litt meir gang.


Då vi kjøpte dette huset, var det dette som var yttergangen. Etter ein lang og våt vinter med uante mengder med våte ytterkle og mange skulesekkar og treningsbaggar liggande å slenge over heile gangen, bestemte vi oss for å bygge ny yttergang. Den har eg vist bilete av før, så no blir det "gamlegangen" som skal visast fram.


Vi har malt panel både på veggar og tak, synest det er så fint. Det var ein del arbeid å male alt saman, men resultatet vart bra synest vi.

Skapet har eg kjøpt hos Perfect home, likte det veldig godt. Veit ikkje heilt kva eg skal ha inni det enda, men enn så lenge står der nokre gamle sølvkoppar som absolutt burde ha vore pussa før dei vart vist fram på bloggen...


Dette nydelege skiltet fekk eg av storejenta mi, som har flytta til Ålesund for å fullføre lærlingtida si. Saknar ho veldig, men ho er flink til å kome på besøk og dessutan har ho lovt å flytte tilbake til heimbygda si når lærlingtida er over om eit år. Det gleder vi oss til.




Denne fine lykta var eg så heldig å få som vertinnegåve, då eg heldt eit homeparty for ei veninne som driv med salg av Perfect home-artiklar. Den er kjempefin og det er så koselig å tende lys i den om kveldane.




Denne knaggrekka har eg vist bilde av før, men den er så søt at den får bli med i dette inlegget også. Søtt hjerte frå Made by heart og  fin veske som eg kjøpte i barnehagen til Benedicte då dei hadde Forut-aksjon.

No skal eg sjå ferdig Pippi og kose meg litt med lissjesnuppa før karane kjem svoltne heim får Bondalseidet.

Ha ein strålande morsdag alle saman.

lørdag 12. februar 2011

Laurdagspizza

Så var det laurdagskveld igjen. Vekene flyg avgarde og dagane går i eitt her i huset. Synest at det nettopp har vore helg, eg. Ja, ja vi får henge på karusellen så lenge vi klarer.

Tradisjonen tru, så er det pizza på menyen. Enkel, rask og god mat.




I kveld har eg stått for matlaginga aleine, eg hadde nok fått hjelp av ivrige barnehender dersom eg hadde spurt, men i kveld ville eg ha ei lita pause for meg sjølv på kjøkkenet.

Eg er den fødte Toro-kokk, så her brukar vi Toro si pizzadeig, synest faktisk den er bedre enn heimelaga   og så er det så snerte å berre tømme mjølblandinga i ein bakebolle og tilsetje vatn, knade litt - og vips så er deiga klar til heving, og eg kan lage pizzafyllet.




Fersk sopp og løk, er obligatorisk i min heimelaga pizza. Det blir liksom ikkje heimelaga  pizza utan desse ingrediensane.




Vi har ein liten kar her i huset, som er litt "enkel" i matvegen. Det er ikkje mykje som går gjennom nålauget der i garden, nei. So då blir det ein liten spesial-pizza, med kun ketchup og ost på. Det høyrest ganske kjedelig ut, men ser faktisk veldig godt ut når den er ferdig.

For å gjere litt ekstra stas på Joakim, brukar eg å lage pizzabokstavar. I dag vart det ein J.





Pizzaen for oss som likar litt anna enn ketchup og ost, ser ikkje så verst ut den heller. Når ein blandar den steikte soppen og løken, med Toro sitt pizzafyll og toppar det heile med Tine sin gode ost, så ser resultatet slik ut.



og, ja - det smakte nydeleg denne laurdagen også.





Ha ei fortsatt fin helg!

Å VÆRE STERK

Å være sterk er ikke å aldri falle, å alltid vite, å alltid kunne.
Å være sterk er ikke å å orke og le, å hoppe høyest eller ville mest.
Å være sterk er ikke å løfte tyngst, eller å alltid lykkes.
Å være sterk, er å se livet som det er, å akseptere dets kraft, og ta del i det.
Å være sterk er å falle til bunnen og slå seg hardt
- og komme tilbake.