stjernaklar vinterkveld

I kveld var vi ein tur på Kometland i Volda. Det er eit amatørobservatorium der ein kan sjå på og studere himmelen gjennom store teleskop og på flotte plansjar. Det er Knut Aarseth frå Volda som har bygd opp dette flotte observatoriet og som driv det.


Sidan det har vore så flotte og stjerneklare kveldar no i januar, bestemte vi oss for å ta turen til Kometland. Joakim er ein ivreg astronautspire og kan og veit utruleg mykje om stjernene og planetane i vårt solsystem. Det er mang ein gong eg har blitt satt fast av spørsmåla som han kjem med. Det er heilt imponerande alt han kan og veit.

Joakim vart ellevill då vi i går kveld fortalde at vi skulle ta han med oss på Kometland. Før han sto opp i dag byrja masinga om kva tid det var kveld og mørkt nok til å køyre bort. Augene hans vart store då han kika inn i det store teleskopet og månen kom så nær at ein følte ein nesten kunne røre han ed berre hendene.


Det vi såg gjennom teleskopet var heilt fantastisk. At stjernehimmelen er vakker, er vi vel alle enige i, men at det skulle være så fantastisk flott, hadde eg aldri drøymt om. Vi såg stjerner som låg langt unna vårt solsystem - og dei var så klare og flotte gjennom teleskopet.



Her er Orions belte, vi kunne sjå det endå betre gjennom teleskopet enn det vi ser på bildet her. Og rundt dei store stjernene, var det tusenvis av mindre stjerner som vi kun kan sjå gjennom eit teleskop.

Vi fekk endåtil med oss eit stjerneskudd - det for fort over himmelen. Eg var sjølvsagt snar med å ønskje meg noko, så gjenstår det å sjå om ønsket går i oppfylling.

Her er Joakim saman med den nye helten sin, Komet-Knut (som vi kallar han her). Grunnen til at han har fått det namnet, er at han var den første som oppdaga ein komet. Han fekk kometen kalla opp etter seg og vart kjend i ei rekke land for oppdaginga si. På veggane i observatoriet, heng utklipp frå alle dei største avisene og tidsskrifta i heile verden der dei har skrive om Knut og den nye kometen som han oppdaga.
Her er den kjende kometen til Knut.

Dette er ein stad vi vil tilbake til. Her var det spennande både for små og store.

Ha ein flott kveld under stjernene

(bileta av stjernene og månen har eg lånt frå heimesida til Kometland)

frå ein minnerik dag

Har fått ei utfordring med Monica frå bloggen http://acinomevats.blogspot.com/ . Eg skal gå til den 6. mappa mi og opne det 6. bildet.


Her er bildet som var nr. seks i mappe seks på maskina mi.

Bildet er frå barnedåpen til Benedicte. Storesøster Silje var gudmor og bar henne til dåpen. Det var ein rørande sermoni og eg måtte svelgje hardt nokre gongar for å halde tårene tilbake. Dåpskjolen er det mamma som har kjøpt. Joakim var den første som vart døypt i den, så var det Martin sin tur, før Benedicte fekk æra av å bruke den.

Dagen feira vi heime i Grepalia saman med den nærmnaste familie og fadrar. Det var ein kjekk og minnerik dag.

Denne utfordringa vel eg å gi vidare til desse bloggarane:

http://annalisasblogg.blogspot.com/

http://tovehd.blogspot.com/

http://astridbjordal.blogspot.com/

http://skjerk.blogspot.com/

http://siljenelly.blogspot.com/

http://fagerborg.blogspot.com/

Nå skinner sola i vinduskarmen...

og katta maler som aldri før

den ligger langfalt og kjenner varmen

og er ei katte med godt humør.

Skulle ynskje at eg også kunne nyte denne vakre og deilige sola, som så vidt kliv fjella framfor oss. Det er så godt å kjenne varmen frå den. Vi har som sagt tidlegare vore plaga med litt sjukdom her i huset, men no trur eg toppen er nådd og at ting byrjar å snu. Benedicte har hatt heile runda, med augebetennelse, øyrebetennelse og no har ho fått halsbetennelse. Men vi ser positivt på det og gler oss til ho blir frisk og rask igjen. Vi gler oss til vi kan gå ut ein tur så ho får spasere på vegen og prøve dei nye, fine vinterskona sine. Det er så skjønt med desse små vennane som stabbar iveg på ustøe bein.

Sidan vi sit inne og sola skin så deilig ute, kan eg ikkje lat vere å legge merke til at utsikta vår er blitt så dårleg i det siste. Eg synest at det er så vanskeleg å sjå ut, sjølv om eg har på brillene er det liksom noko som ikkje er som det skal med synet mitt. Eg tek av meg brillene og pussar dei. Dei var verkelg skitne etter Benedicte sine små hender som hadde prøvt å plassere dei på si eiga lissje nase. Det vart vel litt betre, men det var fortsatt dårleg med utsikt. Då koplar eg.... Vindauga er skitne, og då meinar eg verkeleg skitne. Eg kan sikkert skimte Rystefeltet og Ose der borte på andre sida dersom eg legg godvilja til, men det som stel utsikta er utvilsomt dei groskitne vindauga mine. Eg som vaska dei til jul...

Her er det berre å brette opp armane og la sjukdom vere sjukdom, desse vindauga må berre vaskast. Det er ikkje vanskeleg å finne den største syndaren. Han sit vell fint på stolen sin i klasse 1B på Vikemarka skule og anar fred og ingen fare, men handavtrykka og kyssemunnane er ikkje til å ta feil av... her kan han ikkje lyge frå seg noko som helst. Sjølvsagt er det andre som har vore borti og skitna til også. Det demrar så vidt langt bak i bakhovudet til ho mor sjølv at i ein svak augenblikk vakna barnet i meg til liv att, eg kunne ikkje dy meg - eg måtte lage grimasjer gjennom glaset til Silje og ei veninne som sat inne. Ja ja, det var moro den stunda, men no lyt eg vell vaske etter desse sprella som vi har føre oss av og til her i heimen.

Ha ein fortsatt fin dag

Heimedag med Benedicte

Så var det på an igjen med ei ny runde med sjukdom hos Benedicte. Det er vel ofte slik når dei byrjar i barnehage for første gong, at dei blir mykje sjuke.

Forrige veke var det augebetennelse og feber, no har augebetennelsen vorte bra og no er det øyrene som står for tur. Kraftig øyrebetennelse i begge øyrene sa doktoren i går. Stakars lisje vennen min. Sidan Arild var heime med prinsessa forrige veke, er det eg som må til pers no.

Etter at vi hadde køyrt Joakim og Silje på skulen, laga vi like godt ei bolledeig. Vi må finne på noko kjekt no når vi er heime saman.

Eg skal ikkje skryte på meg at eg er ein kløppar i gjærdeiger og at eg elska å bake, for det er eg nemleg ikkje. Bollane er laga av to pakkar med bollemix, men av erfaring veit eg at resultatet brukar å bli bra. (så kvifor gamble på eit resultat som blir vellukka?)
Vi (rettare sagt eg, sidan Benedicte stort sett sat og såg på) laga både vanlege bolla, kanelbollar og solskinsbollar.

Her er resultatet. Vi skal nok kose oss bra, Benedicte og eg når ho vaknar. No ligg ho og søv trygt og godt i senga si saman med totten og kosekluten sin.

Fire x fem

Har fått ei utfordring frå Tove i bloggen http://tovehd.blogspot.com/. Den utfordringa tek eg sjølvsagt på strak arm.

4 favoritt TV-program:
Åndenes makt (er veldig fascinert av det overnaturlege)
Et lite stykke Thailand (ein hærleg og ekte serie om det å få seg ei thaidame)
Criminal Minds (må ha litt spenning i kvardagen)
Div. oppussingsseriar på ulike kanalar (for å få litt inspirasjon og gode idèar)

4 ting eg gjorde i går:
Var ei lita slyngerunde ned i Vik saman med Arild, Joakim og Benedicte.
Begynte å strikke ny genser til Benedicte.
Var på besøk med mamma og pappa og hjalp til med å tøme kakeboksene etter jul.
Laga deilig heimelaga pizza til kvelds.

4 ting eg ser fram til:
At hagen vår skal bli ferdig (no er her berre store moldhaugar med masse ugras på)
Få laga til kjellaren skikkeleg, med nye rom til dei to eldste borna mine
Påskeferien, for då reiser vi forhåpentlelgvis på hytta
Å verte gjeldsfri... (om leeeeenge)

4 favoritt restaurantar:
Hmmm... trur ikkje her her så mange restaurantar på mange mils omkrets eg... Kina-restauranten har god mat, så den må vel nemnast her, men elles så veit ikkje eg.

4 ting på ønskelista mi:
At borna mine får ein god og trygg oppvekst
Ny kjellartrapp
Flat mage ;) (hi hi hi, det er visst uoppnåeleg)
at alle mine får ha ei god helse fri for sjukdom og elendigheit




Denne utfordringa vel eg å gi vidare til alle som er innom bloggen min no i kveld.

Ha en flott søndagskveld alle saman

Bursdagsbilder av ei lita prinsesse

Eg lovte i eit tidlegare innlegg at eg skulle legge ut litt bilder frå bursdagsfeiringa til Benedicte. Her kjem bileta.
Dagen starta med pakkeåpning. Av oss, fekk ho eit lite kjøkken. Ho er så glad i å kokkelere og leike med dokker, så ho blir sikkert ei god lita mamma når den tid kjem, om maaaange år. Det tok ei stund å få av papiret, for ikkje å snakke om tida det tok å montere det flatpakka kjøkkenet. Men resultatet vart ho veldig fornøgd med. No kosar ho seg og kokkelerar i veg.

Etter frukost, var det tid for prøvesmaking av kake. Sjokoladekaka vart godkjent av bursdagsbarnet. Og Kakebakar Silje, kunne puste letta ut.

Mormor hadde laga ei eiga blautkake til Benedicte, det måtte det bli rot av, men det tåler vi på ein slik dag.
Dagen slutta ikkje heilt slik som vi skulle ønske. Stakars bursdagsbarnet fekk augebetennelse og nesten 40 i feber. Litt av ei avslutning for lisje vennen våra.

Spysjuka på julaftan og feber på bursdagen, skal tru kva sykje som dukkar opp på 17. mai...

Ha ein fin laurdagskveld bloggvener!

ny blogg

Har funne ut at eg har samla på så mykje styr og ting og tang opp gjennom tidene, at det er på tide å bli kvitt noko av det. Eg laga meg difor ein ny blogg der eg legg ut diverse saker og ting for salg. Bloggen finn du her: http://bruktbudami.blogspot.com/
Har lagt ut litt no i kveld, men har forskjellig anna som kjem til etter kvart. Kan for eksempel friste med eit masjasjefotbad, følg med.

ny utmerking

Det har blitt litt lite blogging på meg den siste tida, det tar på å vere tilbake på jobb i 100% stilling og vere ei god mor til fire born og ei oppofrande kone ti lein sjuk mann, men eg gjer så godt eg kan, mange ting som må inn i nye rutiner, men det går seg nok til etter kvart.

Benedicte storkosar seg i Liadal barnehage, ho fann seg heldigvis fort til rette der ute. Det er godt å vite at ho har det trygt og godt når eg er på jobb.



For ei tid tilbake, fekk eg denne flotte utmerkinga med Monica frå http://acinomevats.blogspot.com/.

Det er så koseleg med alle desse utmerkingane som dukkar opp med jamne mellomrom, det viser at vi her inne i blogglandia tenker på kvarandre i kvardagen også. Det følgde ikkje med nokon regel på denne, men eg vel likevel å gi den vidare til desse bloggdamene:

http://tovehd.blogspot.com/, http://annalisasblogg.blogspot.com/ og http://astridbjordal.blogspot.com/

Ha ein strålande kveld alle saman.

1 år er gått...

Tenk at det er eit år sidan Benedicte vart fødd. Det er ikkje til å tru. Tida har berre floge av stad. Vi har hatt eit fantastisk år, dette første året til Benedicte. Ho kom som ei litt forseinka nyttårrakett seint om kvelden 10. januar 2008. Det heile var over på under ein time, det var så godt å få henne i armane sine, og berre stryke på den varme og mjuke babyhuda. Du var så nydeleg der du låg i armane mine. små undrande auge som kika seg rundt og lurt på kva som gjekk føre seg.

Det har vore ei eventyrleg reise vi har hatt dette året Benedicte, og lenge og langt skal reisa vare. Vi kosar oss slik ilag, eg og du. Lisje underet mitt. Tenker tilbake på oktoberdagen då eg vart sendt til Ålesund sjukehus med åpning, og du ville ut. Vi klarte å stoppe fødselen, for å bli fødd i veke 23 er risikofylt, men du klamra deg til mammaen din, heldt ut og vaks deg stor og sterk.
I dag har vi feira deg frå morgon til kveld. Vi har hatt besøk av tanter, onklar, søskenbarn, besteforeldre og ei oldemor. Her var fullt hus og stormande jubel. skal legge ut bilete av feiringa i neste innlegg.

Gratulerer med dagen lisje vennen min

Nyttårsfeiringa vår

Nyttårsaftan feira vi her heime i Grepalia. Benedicte var litt skeptisk til alle smellane og blinkane, så i standen for at ho skulle vokna av dette og verte redd, så fekk ho være med ut og sjå på dette merkelege greiene. Ho sat godt plassert i vogna si, med hørselsvern på seg. Ho kika og kika og var heilt still nesten ein heil time. Det var nok mange inntrykk som vart bearbeida i det vesle hovudet desse første minutta av 2009.

Joakim var røynd i faget og var pyroteknikaren vår. (neida, han fekk ikkje fyre på fyrverkeri). han organiserte og styrte og bestemte kva som skulle fyrast opp. han var mildt sagt ellevill heile dagen og gledde seg voldsomt til vi skulle fyre opp alle rakettene. vi hadde kjøpt inn litt fyrverkeri sjølve og pappa og Joakim hadde våre på fyrverkerihandel og handla litt også (mykje), men likevel måtte Arild avgarde å kjøpe meir, for Joakim hadde ikkje fått nokon kinaputt, og det måtte vi sjølvsagt ha, meinte han. (sjølv om han ikkje heilt visste kva det var for noko).
Joakim og Arild på verandaen vår og nyt den flotte utsikta og alle rakettene som ørstingane sende opp.

GODT NYTT ÅR ALLE BLOGGVENER